அக்டோபர் 26 வியாழக்கிழமை அதிகாலை முதல்
நவம்பர் 1 செவ்வாய்க்கிழமை நடுநிசி வரை …
அக்டோபர் 26 வியாழக்கிழமை … (தொடர்கிறது)
ஜகத்ஜனனி, ஸர்வலோகத்திற்கும் தாயான அன்னை பார்வதி,
விசாலாக்ஷியாக காசி ஷேத்ரத்தில்வீற்றிக்கிறாள். விசாலாக்ஷி
என்றால் "அகலமான கண்கள்". பெரிய தாமரை போன்ற
கண்களுடன் தன் பார்வையை பக்தர்களின் மீது பதிக்கிறாள்.
அஷ்ட தசா சக்தி பீடங்களில் இது ஒன்று. இங்கு சதியின்
கண்களும், காது வளையங்களும் விழுந்ததாகக் கருதப்படுகிறது.
விசாலாக்ஷி தேவியின் கோவில் காசி விஸ்வநாதர் கோயிலில்
இருந்து நடந்து செல்லும் தூரத்தில் மீர்காட்டில் உள்ள தர்மகூப்
பகுதியில் விஷால் தீர்த்தத்தில் அமைந்துள்ளது. விஷால்
தீர்த்தத்தில் நீராடி விசாலாக்ஷி கௌரியை வழிபடும்
பக்தர்களுக்கு உபைலோகத்தில் மங்களம் தரும் லட்சுமியின் பலன்
கிடைப்பதுடன் அவர்களின் விருப்பங்கள் அனைத்தும் நிறைவேறும்
என்பது நம்பிக்கை. விசாலாக்ஷி கௌரியை வழிபடுவதால் குழந்தை
இல்லாத பெண்களுக்கு சந்ததி பாக்கியம் கிடைப்பதோடு, செல்வச்
செழிப்பும் ஆரோக்கியமானவாழ்வும் கிடைக்கும் என்பது நம்பிக்கை.
விசாலாக்ஷி தேவி கோவில் ஒரு சக்திவாய்ந்த சக்தி பீடமாகும்,
மேலும் இந்த வளாகத்தில்செய்யப்படும் எந்த பூஜை, தொண்டு,
தேவி மந்திரங்களை ஓதுதல் ஆகியவை மிக உயர்ந்த பலனைத்
தரும் என்று கருதப்படுகிறது. இங்கு தானம், பாராயணம், யாகம்
செய்வதன் மூலம் முக்தி கிடைக்கும்.
விசாலாக்ஷி தேவி காசியின் க்ஷேத்ர தேவி. காசி விஸ்வேஷ்வரரின்
நித்திய மனைவி என்ற பட்டத்தை உடையவர். மா விசாலாக்ஷி பல
நூற்றாண்டுகளாக தமிழ் வழிபாட்டு முறையைச் சேர்ந்த மக்களின்
குலதேவியாக வணங்கப்படுகிறார்.
காசி க்ஷேத்திரத்தில் விசாலாக்ஷி தேவி ஆலயம் பக்தர்களின்
விருப்பங்கள் அனைத்தையும்நிறைவேற்றி அவர்களை
திருப்திப்படுத்துகிறது என்று ஸ்கந்த புராணம் 4 வது
அத்தியாயத்தில் குறிப்பிடுகிறது.
ஸ்கந்த புராணத்தின் 83வதுஅத்தியாயமான காசி காண்டத்தில் ,
சிவபெருமான் மணிகர்ணிகா ஸ்நானம் எடுத்து மா விசாலாட்சி
தேவியை வழிபடும் பக்தர்களுக்கு மோட்சம் அல்லதுமுக்தி
(அதாவது பிறப்பு மற்றும் மறுபிறப்பு சுழற்சியில் இருந்து விடுதலை)
கிடைக்கும் என்று குறிப்பிடுகிறார்.
ஸ்கந்த' புராணத்தின் படி, வாரணாசியில் முனிவர் உணவு எதுவும்
வழங்காதபோது, விசாலாக்ஷி ஒரு இல்லத்தரசி வேடத்தில் தோன்றி
வியாச முனிவருக்கு உணவு அளித்தார்.
ஸ்கந்தபுராண காசி காண்டத்தின் படி , காசி விஸ்வநாதர் காசி
விசாலாக்ஷி தேவியுடன் மதியம் ஓய்வெடுக்கிறார்.
காசிகண்டத்தின் அத்தியாயம் 97, ஸ்லோகம் 240ல் சிவபெருமான்
'காசி நிவாஸை முடிக்கும் முன் காசியாத்திரையை முடிக்க மா
விசாலாக்ஷி தேவியின் தரிசனத்தைப் பெறுவது கட்டாயம் என்று
கூறுகிறது. காசி விசாலாட்சி தேவி ஆலயம் தனது நித்திய
இளைப்பாறுதல் தலமாக விளங்குவதாகவும், இங்கு தான் தனது
பக்தர்களின் வாழ்வில் ஏற்படும் அனைத்து பிரச்சனைகளையும்
தீர்த்து வைப்பதாகவும் சிவ மகாபுராணத்தில் காசி விஸ்வநாதர்
குறிப்பிடுகிறார் . காசி காண்டத்தில் 70 அத்தியாயம்,
விசாலாக்ஷி தேவியின் பெருமையை விரிவாக விவரிக்கிறது.
அய்யன் விஸ்வநாதரை தரிஸத்த பின் அன்னை விசாலாக்ஷியை
தரிஸிக்க வேண்டும். விஸ்வநாதர் கோயிலில் இருந்து வெளியே
வந்து கோயிலை ஒட்டிய ஒரு குறுகிய சந்தில் சிறிது தூரம்
நடந்தவுடன் விசாலாக்ஷி தேவியின் கோவில் .. தென்னிந்திய
கட்டிடக்கலை பாணியில் கட்டப்பட்டுள்ளது. நுழைவுவாயில் மேல்
விரிவான சிற்ப வேலைப்பாடுகளைக் கொண்ட சிறிய கோபுரம்
உள்ளது. வாயில் கலைநுணுக்குமானசித்ரவேலைப்பாடுகளுடன்
இரண்டு பக்கமும் சிங்கத்தின் உருவங்களுடன் அமைந்துள்ளது.
மேலே கஜலக்ஷ்மியின் பளிங்கு சிற்பம் உள்ளது. இடப்பக்கம் உள்ள
நீண்ட உள்சுவற்றை ஒட்டி பலவிதமான சிவலிங்கங்கள்,
நாகங்கள், ப்ரம்மாண்டமான விநாயகர், பளிங்கில் ஆதிசங்கரர்
சிலைகள் இருக்கின்றன. வலதுபுறம் பெரிய லிங்கத்துடன் ஒருசிறிய
சன்னதி உள்ளது. அடுத்து குதிரையின்மீது அமர்ந்திருக்கும்
விசாலாக்ஷி தேவியின் இருக்கின்றது. அருகில் நவகிரஹ சன்னதி
உள்ளது. பிரதான சன்னதியின் முன் உள்ள நான்கு தூண்களும்
வண்ணமயமான சிற்பங்களால் அலங்கரிக்கப்பட்டுள்ளன.
கர்பகிரஹத்தில் தேவியின் இரண்டு சிலைகள் உள்ளன. பளிங்கு
மேடையில் கருங்கல்லில் செதுக்கப்பட்ட ஒரு பளபளப்பான சிலை,
ஆதி விசாலாக்ஷி. இது இடது பின்புறத்தில் உள்ளது. முன்புறம்
பூக்கள் மற்றும் நகைகளால் அலங்கரிக்கப்பட்ட அன்னையின் சிலை
ஆதி சங்கரர் ப்ரதிஷ்டை செய்த ஸ்ரீ யந்திரம் உள்ளது.
கர்பகிரஹத்தின் கதவுகள் திறந்து இருக்கும்போது கூட்டம்
இல்லாவிட்டால் தெருவிலேர்ந்த அன்னையை தரிசிக்கமுடியும்.
( ….. தொடரும் )
No comments:
Post a Comment